Felipe Pilotto Photography


Como podemos fazer a diferença?
How can we make the difference?
Comment peut-on faire la différence?
Come possiamo fare la differenza?
¿Cómo podemos hacer la diferencia?

Contact: felipe.pilotto.photography@gmail.com
xpilottostudiox@icloud.com

Tuesday, October 4, 2011

Andréa Chaulet et Anne Baland



 "Au point Du jour, que l’esprevier s’esbat,                        
Meu de plasir et par noble coustume,                           
(Bruyt la mauviz et de joye s’esbat),                         
Reçoit son past et se joinct a la plume,                         
Offrir vous vueil, ad ce desir m’alume,                         
Ioyeusement ce qu’aux amans bons semble.                           
Sachiez qu’Amours l’escript en son volume,                         
Et c’est la fin pour quoy sommes ensemble.

Dame serez de mon cuer, sans debat,                         
Entièrement, jusques mort me consume.                          
Laurier souef qui pour mon droit combat,                          
Oliver franc, m’ostant toute amerture;                           
Raison ne veult que je desacoustume,                                
Et en ce vueil avec elle m’assemble,                                
De vous servir, mais que m’y acoustume ;                            
Et c’est la fin pour quoy sommes ensemble.
 

Et qui plus est, quant dueil sur moi s'embat,                         
Par Fortune qui souvent si se fume,                              
Vostre doulx oeil as malice rabat,                                      
Ne mais ne mais que le vent fait la plume.                        
Si ne pers pas la graine que je sume                                 
En vostre champ, quant le fruit me ressemble.                      
Dieu m’ordonne que Le fouÿsse et fume;                              
Et c’est la fin pour quoy sommes ensemble.



Princesse, oyez ce que cy vous resume;                               
Que le mien cuer du vostre desassemble                                
Ja ne será: tant de vous em presume;                                 
Et c’est la fin pour quoy sommes ensemble."

François Villon

9 comments: